50 வருட பாரம்பரியம் மிக்க அதிரை இமாம் ஷாபி பள்ளி ஆண்டுதோறும் மாரத்தான் மற்றும் வாக்கத்தான் போட்டிகளை நடத்தி வருகிறது. அந்த வகையில் இந்த ஆண்டும் இரண்டு பிரிவுகளாக இப்போட்டிகள் நேற்று நடைபெற்றன.
20 வயதிற்கு கீழ் உள்ளவர்கள் முதல் பிரிவாகவும் 21லிருந்து 44 வயதிற்குட்பட்டோர் 2வது பிரிவாகவும் 10km மாரத்தான் போட்டியில் கலந்துகொண்டனர். 45 வயதிலிருந்து 59 வயதிற்கு உட்பட்டவர்கள் முதல் பிரிவாகவும் இரண்டாவது பிரிவாக 60 வயதிற்கு மேற்பட்டோர் 5km வாக்கத்தான் போட்டியில் பங்கேற்றனர்.
Advertisement:
Contact: 9994887248
இந்த ஆண்டு முதல்முறையாக அதிரையை சேர்ந்த போட்டியாளர்களில் முதல் மூன்று இடங்களைப் பிடிப்பவர்களுக்கு முறையே பரிசுகள் அறிவிக்கப்பட்டு வழங்கப்பட்டன.தஞ்சாவூர் சரகம் (சட்டம் மற்றும் ஒழுங்கு) காவல்துறை துணைத் தலைவர்ஜியாவுல் ஹக் அவர்கள் இதில் சிறப்பு விருந்தினராகக் கலந்துகொண்டு பரிசுகளை வழங்கினார்.
இதில் அதிரையர்கள் மட்டுமின்றி பல்வேறு ஊர்களை சேர்ந்தவர்கள், முதியோர்கள், குழந்தைகள், மாற்றுத்திறனாளிகள் என பலர் கலந்துகொண்டனர். அனைவருக்கும் பங்கேற்பு சான்றிதழ்கள் வழங்கப்பட்டன. நிறைவாக இமாம் ஷாபி பள்ளி மாணவர்களின் ஏர் ஷோவும் நடைபெற்றது.
