பட்டுக்கோட்டையின் பரப்பளவு மற்றும் மக்கள் தொகையை ஆய்வு செய்து அதிராம்பட்டினத்தை தலைமையிடமாக கொண்டு புதிய வட்டத்தை உருவாக்குவதற்காக மாவட்ட ஆட்சித்தலைவர் மற்றும் அதிகாரிகளிடம் கோரிக்கை மனுக்களை பெற்று முதலமைச்சரின் கவனத்துக்கு கொண்டு செல்லப்படும்." என்றார்.
இதனை தொடர்ந்து அதிராம்பட்டினம் தாலுக்காவை அமைப்பதற்கான பணிகளை வருவாய்துறை தொடங்கி இருக்கிறது. அதன் அடிப்படையில், அதிராம்பட்டினத்தை சுற்றியுள்ள கிராமங்களை அதிராம்பட்டினம் வட்டத்தில் இணைப்பது தொடர்பாக பட்டுக்கோட்டை வட்டாட்சியர் அந்தந்த கிராம நிர்வாக அதிகாரிகளுக்கு கடிதம் எழுதி இருக்கிறார்.
பழஞ்சூர் வி.ஏ.ஓவுக்கு அவர் எழுதிய கடிதத்தில், "பட்டுக்கோட்டை வட்டம், தம்பிக்கோட்டை சரகம், பழஞ்சூர் கிராமத்தை புதிதாக தோற்றுவிக்கப்படவுள்ள அதிராம்பட்டினம் வட்டத்தில் சேர்ப்பதற்கு ஆட்சேபணை இருப்பின் ஆட்சேபணையை நோட்டீஸ் கண்ட 15 தினங்களுக்குள் பட்டுக்கோட்டை வட்டாட்சியரிடமோ அல்லது பட்டுக்கோட்டை வருவாய் கோட்டாட்சியரிடமோ அல்லது மாவட்ட ஆட்சியரிடமோ எழுத்து மூலமாக தெரிவித்திட கேட்டுக்கொள்ளப்படுகிறது." என குறிப்பிடப்பட்டு உள்ளது.
